એક દી સર્જકને આવ્યો એક દી સર્જકને આવ્યો કૈં અજબ જેવો વિચાર દંગ થઈ જાયે જગત એવું કરું સર્જન ધરાર ફૂલની લીધી સુંવાળપ શૂળથી લીધી ખટક ઓસથી ભીનાશ લીધી બાગથી લીધી મહક મેરૂએ આપી અડગતા ધરતીએ ધીરજ ધરી વૃક્ષથી પરમાર્થ કેરી ભાવના ભેગી કરી બુદબુદાથી અલ્પતા ગંભીરતા મઝધારથી મેળવ્યો કંકાસ મીઠો મોજના સંસારથી પ્રેમ સારસનો ઉપાડ્યો પારેવાનો ફડફડાટ કાગથી ચાતુર્ય લીધું કાબરોથી કલબલાટ ખંત લીધી કીડીઓથી મક્ષિકાથી શ્રમ અથાગ નીરથી નિર્મળતા લીધી આગથી લીધો વિરાગ પંચભૂતો મેળવી એ સર્વેનું મંથન કર્યું આમ એક દી સર્જકે નારીનું સર્જન કર્યું દેવ દુર્લભ અવનવી આ શોધ જ્યાં બીબે ઢળી એ દિવસથી દર્દ કેરી ભેટ દુનિયાને મળી! સ્વર અને સૂરઃ મનહર ઉધાસ રચનાઃ ‘શૂન્ય’ પાલનપુરી ક્લીક કરો અને સાંભળોઃ